Elkarretaratzera deitu dute, gazte immigranteen alde

Arabako Foru Aldundia eta Gasteizko Udala etorkin gazteen aurka ari direla salatu du haiek babesteko sortutako plataformak. 18 urteak bete orduko, immigrante gazteen tutore izateari uzten diote administrazioek; plataformak adierazi du kalean uzten dituztela. Urtarril bukaeran, lehengoez aparte, beste zazpi gazte immigrante era horretan kalean utzi dituztela adierazi du taldeak. Herritarrek, Etxe Okupak eta gaztetxeak lagundu dute gazte horiei babesa ematen, eta eskerrak eman dizkie plataformak. Bihar, elkarretaratzea egingo dute, 18:00etan, Batzar Nagusien aurrealdean. Gazteen alde jaso dituzten atxikimenduak eman nahi dizkiote Ongizate diputatuari.