ELKARRIZKETAREN ALDE, BUSTITA

Gatazka konpontzeko prozesua babestu eta elkarrizketa eskatzeko asmoz, Algortako Portu Zaharrean Ibaizabalgo uretan murgildu ziren atzo ehun bat lagun. Itsasoruntz ekimenak egindako deialdiari jarraiki, surf oholen gainean eta eskuak elkarri lotuta, giza katea egin zuten Areeta eta Portugalete artean. Gatazkaren konponbidea lortzeko herritarrek parte hartu behar dutela azaldu zuten ekimenarekin. «Konponbidea denon esku dago», adierazi zuten antolatzaileek.