2010. urtean Elorrioko (Bizkaia) osoko bilkura batean gertatutakoa dela-eta, gaur hasi da Bizkaiko Auzitegian hiru lagunen aurkako epaiketa. Josu Herrero Elorrioko Sortuko koordinatzaileari eta Rita Ugarriza herritarrari PSE-EEko zinegotzi bati "faxista" deitzea leporatzen diete. Niko Morenori (EAE-ANV), berriz, alkatea izanik gertakari hori saihesteko "ezer ez egitea".
Fiskalak bi urteko espetxe zigorra eskatu du Morenorentzat, eta lau urteko inhabilitazioa. Herrero eta Ugarrizarentzat, berriz, lau urteko kartzela zigorra eskatu du, «autoritateari atentatua» egitea egotzita.
EH Bilduren Bizkaiko ordezkariek elkarretaratzea egin dute gaur auzitegiaren aurrean. "Epaiketa politikoa" dela salatu dute, eta adierazi dute badela garaia "gisa horretako epaiketak amaitzeko".
