Eloy Velasco Espainiako Auzitegi Nazionaleko epaileak "ETAren kartzeletako frontean" parte hartzea leporatu dio Iñaki Goioaga Amaiurreko senatari eta abokatuari: "Kartzeletako fronteko kide da, eta garrantzi bereziarekin, gainera". Hori horrela, Auzitegi Gorenari hura inputatzeko eskatu dio, ETAko kide izatea egotzita.
Velasko epaileak txosten batean jaso duenez, Goioagak "ETAren zuzentarauei jarraiki" egiten du bere abokatu lana. Haren arabera, Amaiurreko senatariak forupeko izaera baliatzen du presoei ETAren jarraibideen berri emateko.
