Elurra iritsi da mendietara, tenperaturak jaitsita

IRUÑEA. Nafarroako errepideetan hasi dira sentitzen negua gertutik. Atzo elurra egin zuen mendi gailur eta portuetan; errepiderik ez zuen itxi elurrak, baina ibilgailuek kateak behar izan zituzten Belaguako portuan eta Aralarko San Migelerako bidean. Nafarroako Gobernuak arretaz gidatzeko eskatu du, gainera, errepideetan ur putzuak ere osatu direlako euritearekin.