Emakume bat atxilotu dute Gasteizen, bikotekideari eraso egitea leporatuta

44 urteko emakume bat atxilotu zuen atzo Ertzaintzak Gasteizen, bikotekideari, gizonezko bati, eraso egitea leporatuta.

Ertzaintzako iturriek agertu dutenez, atzo goizeko zortzi eta erdiak inguruan gizonezkoak deitu zien, bikotediak eraso egin ziola esateko. Esandakoa etxera iritsitakoan, 40 urte inguruko gizonezko bat aurkitu zuten; atzarmakadak zituen bularrean eta besoetan. Era berean, gizona babestu zen komuneko atea erreta zegoela ikusi zuten, eta gizonaren arropa hondakinak zeudela, ustez emakumeak erretakoak.

Ohe baten azpian ezkutatuta aurkitu zuten emakumea, ustezko erasotzailea, eta atxilotuta eraman zuten. Berak gizonari ez ezik, gizonak berari ere eraso egin ziola esan zuen emakumeak.