G.J.U. da ustezko bortxaketagatik espetxeratu duten gizonezkoa. Iragan ostegunean enplegu agentzia batera hotsegin zuen etxeko lanak egiteko emakume bat kontratatu nahi zuela esanez. Andre bat bidali zioten agentziatik, eta gizonezkoaren etxera heldu zenean, bortxatu egin zuen. Era berean, etxean itxi eta irtetea galarazi zion.
Emakumeak, ordea, ihes egiteko akera izan zuen, eta Ertzaintzari eman zion gertatutakoaren berri. Ertzaintzak gizonezko horren etxea miatu zuenean, salaketa jarri duen emakumearen zenbait arropa eta gauza topatu zituen. Larunbatean atxilotu zuten G.J.U., bere etxe ondoan, eta oldartu egin zitzaien atxilotu nahi zuten ertzainei. Getxoko zaintzako epaileak gaur eman du baldintza gabe espetxeratzeko agindua.
Genero indarkeria
Emakume bat bortxatzeaz akusatuta, espetxean sartu dute Getxoko gizonezko bat
Getxoko (Bizkaia) 51 urteko gizonezko espetxean sartzeko agindu du herri horretako zaintzako epaileak, ustez emakume bat bortxatu zuelakoan. Jaurlaritzako Herrizaingo Sailak jakinarazi duenez, etxeko lanak egiteko emakume bat kontratatu zuen gizon horrek joan den ostegunean. Andre hura lanak egiteko asmoz etxera joan zitzaionean, ordea, sexu harremanak izatera behartu zuen; halaber, etxetik irtetzea galarazi zion. Dena den, gizonaren deskuido batean etxetik ihes egin ahal izan zuen emakumezkoak, eta Ertzaintzarekin harremanetan jarri zen.
Iruzkinak
Ez dago iruzkinik
Ordenatu
