Ertzaintzak 24 urteko gizon bat atxilotu du Bilbon, emakume bati sexu abusua egiten saiatzea leporatuta. Udaltzaingoak emandako datuen arabera, larunbatean izan zen erasoa, 22:00ak inguruan, Zorrotzaurren. Emakumeak ihes egitea lortu zuen, baina hainbat kolpe jaso zituen. Ustezko erasotzailea handik ordu batzuetara atzeman zuten udaltzainek.
Bestalde, bikote harremanak iraun zuen urtebetean neska- lagunari tratu txarrak emateagatik, urtebeteko espetxe zigorra jarri dio Donostiako epaile batek gizon bati. Iaz izan ziren erasoak. Bikotea elkarrekin bizi zen Errenterian, Gipuzkoan. Bi urtez gizonak ezingo du biktimarengana gerturatu, eta 500 euroko kalte-ordaina eman beharko dio.
Emakume bat bortxatzen saiatzea egotzita, gizon bat atxilotu dute Bilbon
Iruzkinak
Ez dago iruzkinik
Ordenatu
