NA-134 errepidean, MIlagro parean, aurrez-aurre jo dute bi autok. Horietako batean gidariaren ondoan zihoan emakume bat hil da ezbeharrean. Suhiltzaileek gidaria atera behar izan dute autoaren hondakinetatik. Foruzainek istripua ustez eragin duen gidaria atxilotu dute, alkoholemia proban positibo eman duelako. Arduragabekeriaz eragindako hilketa egotzi diote.
Atzo goizean, AP-15 autobidean, Berriobeiti parean, lau pertsona zauritu ziren hainbat autoren arteko istripu batean. Istripuaren arrazoiak ikertzen ari dira foruzainak.
Sua Iruñean
Gauerdi aldera sua piztu da Iruñeko Mendillorri auzoko Sarrigurengo Kontzejuko kaleko etxebizitza batean. Gizonezko bat hil da sutearen eraginez, eta beste bi erietxera eraman behar izan dituzte.
Suak kalte handiak eragin ditu etxebizitzan eta haren kanpoko aldean, Iruñeko suhiltzaileek zabaldu dutenez.
Esta noche incendio en vivienda de ctra. Sarriguren. Un varón fallecido y otros 2 vecinos evacuados al CHN.
— Policia Municipal Udaltzaingoa 092 (@PamplonaIrunaPM) March 27, 2021
Abundantes daños materiales en la vivienda y en el exterior.@PamplonaIrunaPM@bomberos_na@salud_na@policia se hace cargo de la investigación pic.twitter.com/39fptAYX0y
