Andre baten heriotza ikertzen ari da Ertzaintza Bilbon. Gaur arratsaldean gertatu da: eraikin batetik erorita hil da emakumea. Eusko Jaurlaritzako Segurtasun Sailak emandako lehen datuen arabera, bosgarren solairutik erorita hil da emakumea. Gordoniz kalean izan da, 15:45ean.
Abisua jaso bezain laster, larrialdi zerbitzuak joan dira lekura bertara, baina ezin izan dute ezer egin andrearen heriotza eragozteko. Lekukoen testigantzak biltzen ari da Polizia.
