Emakumezko bat hil da gaur eguerdian Bilbon, ibilgailu batek harrapatuta. 12:00 inguruan gertatu da ezbeharra, Gabika Mendia kalean; furgoneta bat atzeraka zihoala, andrazkoa harrapatu du.
Emakumeak 83 urte zituen. Ibilgailuak emandako kolpearekin, lurrera erori da, eta buruarekin jo du lurra. Larrialdi zerbitzuetakoak tokira bertara joan dira, eta erietxera eraman dute, baina ezin izan dute andrea suspertu.
