Prokuradoreak azaldu duenez, astelehen goizean gertatu zen erasoa. Bizilagunek deitu zioten poliziari, abisu emateko. Emakumeak kolpe handiak zituen buruan, eta berehala eraman zuten Baionako erietxera. Haren osasun egoera "oso larria" da, Vuelta Simonen hitzetan. Ospitalean jarraitzen du oraindik, larri.
Astelehenean topatu zituzten gizon-emazteak, Bassilour kaleko enpresa batean, Bidarten (Lapurdi). Gertatutakoa argitzeko ikerketa abiatu du prokuradoreak, eta indarkeria matxistarena da hipotesi nagusia. Lehentasuna emakumearen osasun egoera dela zehaztu du Vuelta Simonek, halere.
9 urteko haurra eskolan zegoen, eta aiton-amonen zaintzapean geratu da.
