Eskopeta baten tiroen ondorioz senar-emazte bikote bat zauritu egin da gaur 12:20 aldera Burlatan, Fulgencio Sanchez karrikan. Nafarroako Gobernuaren arabera, ustez genero indarkeria kasu baten ondorioz izan da gertaera. Gobernuak dio seguruenik gizonak lehendabizi tiro egin diola emazteari, eta ondoren bere buruari. Foruzaingoa ari da kasua ikertzen.
Gizonezkoa —62 urte— "oso larri" dagoela esan du exekutiboak, eta ZIUn sartzekoak direla. Emakumeak —56 urte— hanketan ditu zauriak. Biei egin diete ebakuntza, Nafarroako erietxean. Ez dute haien izenik eman.
Foruzainek jakinarazi dute aurretik ez zutela emakumearen salaketarik jaso inoiz.
