Narrutsik Elgoibarko feminista taldeak salatu du herriko festetako azken gauean emakume batek eraso matxista bat jasan zuela. Udal zerbitzuek jakinarazi dutenez, erasoa txosnetan izan zen, atzo goizaldeko laurak aldera. Erasotzaileak "eraso berbalak eta fisikoak" egin zizkion emakumezko bati. Albiste agentziek zabaldu dutenez, biktimaren bikotekide ohia da erasotzailea.
Gaur arratsaldean, erasoa jasan duen emakumeari babesa erakusteko kontzentrazioa egingo dute, 19:00etan, Kalegon plazan. Udalak kontzentrazioarekin bat egin du, eta biktimari elkartasuna adierazi; eskura dituen baliabide guztiak ere eskaini dizkio.
