Amnesty International erakundeak plazaratu berri duen txostenaren arabera, mundu osoko hiru emakumetik batek gizonezkoen indarkeria jasaten du. Euskal Herrian genero indarkeriaren hainbat adibide izan dira azken hilabeteetan; besteak beste, Bilbon senarra jipoitzen ari zitzaila leihotik amilduta hildako emakume nigeriarrarena, zein, Hendaian (Lapurdi) senar eta aitak hildako ama-alabena.
Era berean, sindikatuek eta beste zenbait erakundek azken egunotan plazaratu dituzten datuen arabera, argi dago arlo ekonomikoan emakumeek baztertuta segitzen dutela. Alde batetik, enplegua lortzeko gizonek baino arazo gehiago dituzte, eta, bestetik, emakumeen soldatak gizonezkoenak baino txikiagoak dira kasu askotan. Munduko datuei erreperatuta, pobreziaren mugaren azpitik bizi diren jendeen %70 emakumezkoak dira.
Martxoaren 8a, Emakumeen Nazioarteko Eguna
Emakumeek lau haizetara zabalduko dituzte gaur beren aldarrikapenak
Martxoaren 8a denez, Emakumearen Nazioarteko Eguna ospatzen da gaur mundu osoan, eta, berriro ere, genero bazterketa salatzeko baliatuko dute gaurko eguna milaka emakumek. Euskal Herriko hiriburuetan manifestazioak egingo dira gaur iluntzean, eta herri askotan, hamaika eratako ekitaldi ugari: elkarretaratzeak, hitzaldiak, jai giroko ospakizunak… Nolanahi ere, andrazkoen bazterketa agerian uztea izango da guztien ardatza, batik bat, bi norabidetan: batetik, genero indarkeriaren salaketa, eta, bestetik, bazterketa ekonomikoa agerian lagatzea.
Iruzkinak
Ez dago iruzkinik
Ordenatu
