Emakumeen aurkako tratu txarrak egotzita, hiru gizon atxilotu dituzte

Ertzaintzak hiru gizon atxilotu zituen atzo goizaldean, bat Bilbon, beste bat Gasteizen eta bestea Arrasaten, bikotekideari erasotzea egotzita. Bilbon, 32 urteko gizon bat atzeman zuten. Bikotekidearekiko urruntze agindua zuen, baina haren etxera sartu eta eraso egin zion, Ertzaintzak jakinarazi duenez. Gasteizen, beste gizon bat atxilotu zuten. Herrizaingo Sailak azaldu duenez, bikote batek eztabaida izan, eta gizonak andreari eraso egin zion. Emakumeak kolpe bat zuen aurpegian, eta zauri bat ezpainean. Gizona atxilotu zuten ertzainei jazarri zitzaien, Herrizaingo Sailaren arabera. Bestalde, ustez emazteari tratu txarrak emateagatik gizon bat atxilotu zuten Arrasaten (Gipuzkoa).