Eusko Jaurlaritzako Segurtasun Sailak jakinarazi duenez, emakumezko bat hil da goizean Bermeon (Bizkaia), auto istripu batean. Zabaldutako informazioaren arabera, furgoneta batek harrapatuta zendu da andrea, talkak zauri larriak eragin baitizkio.
Istripuaren abisua jaso eta gutxira bertaratu dira larrialdi zerbitzuak, baina ezin izan dute emakumezkoa salbatu. Halaber, Ertzaintzak ikerketa bat abiatu du gertaturikoa argitzeko.