Bihartik aurrera Nafarroako herritarrek ere ikusi ahal izango dute ETB, egun indarrean dauden multiplex kanalen bitartez. Gaur sinatu du Uxue Barkosen gobernuak horretarako beharrezkoa zen azken baimena. Hala, tokian tokiko LTD lurreko telebista digitalaren kanal libreak utziko zaizkio EITBri.
Nafarroako Gobernuak eta Eusko Jaurlaritzak uztailean sinatu zuten ETBri Nafarroan emititzea ahalbidetzen dion akordioa.
2009an, Patxi Lopezek eta Miguel Sanzek, EAEko orduko lehendakariak eta Nafarroako orduko lehendakariak, EITBren kanalak LTD bidez emateko protokoloa izenpetu zuten. Haatik, arrazoi ekonomikoak argudiatuta, UPNren gobernuak trabak jarri zizkion ETB hedatzeari. Zazpi urte geroago, iragan apirilean, Espainiako Industria Ministerioak Nafarroan ETBren kanal guztien emisioa eteteko agindu zuen, Barcinaren gobernuak iaz jarritako salaketa bati bide emanez.
