Sortu, EA, Aralar, Alternatiba eta ABk ekitaldi bat egin dute gaur arratsaldean, bihar Iruñean egingo den Aberri Egunaren bezperan —bost alderdiek Independentistak sarearen deialdiarekin bat egin dute—.
Ekitaldi horrekin, Enbata mugimendua gogoratu nahi izan dute. Enbata sortu zela 50 urte betetzen dira aurten Ipar Euskal Herrian "abertzaletasun modernoaren" lehen haziak finkatuz. 1963ko Pazko astelehenez aldarrikatu zuten "iragan denborako eta egungo nahiaz" Euskal Herria nazio bat zela.
Horrekin batera, bihar Iruñera batzeko deia egin dute.
