Enpresarekin akordioa lortu dute SOS Deietako langileek

BILBO. Zerbitzua Bilbon bateratzearen ondorioz sortutako lan gatazkaren inguruan akordioa lortu dute SOS Deietako langileek eta zuzendaritzak. Akordioan jasotzen denez, langileen joan-etorriaren %70 ordainduko du enpresak. Gainera, lan kontratua bertan behera utzi nahi dutenek aukera izango dute dagokien kalte-ordaina jasotzeko. ELAk, hala ere, zerbitzua bateratzeko Eusko Jaurlaritzak hartutako erabakia salatu du.