Atzoko entzierro latza eta gero, gaurkoa -Iruñeko sanferminetako zazpigarrena- azkarra eta garbia izan da: bi minutu eta 42 segundo iraun du eta ez da adarkadarik izan. Antonio Bañuelos ganadugiteko zezenak izan dira gaur; lehen aldiz etorri da ganadutegi hura Iruñera.
Kolpeen ondorioz, lau lagun eraman dituzte ospitalera. B.M. ingelesak (26 urte) buruan hartu du kolpea, Merkaderesen; J.M.F.Z. iruindarrak bularraldean (38 urte), honek ere Merkaderesen; C.B.C. iruindarrak (37 urte) aurpegian, Telefonikan; eta J.M.G.M. faltzestarrak (Nafarroa; 29 urte) belaunean. Inor ez dago larri. Azken hirurei eman diete dagoeneko senda-agiria.
Atzo oso larri zauritu ziren lagunek, berriz, hobera egin dute. Hasieran larrien zegoena -alemaniar bat, buruan kolpea jasota-, etxean da dagoeneko.
Orain arteko entzierroen ondorioz ospitaletara eraman dituzten lagunen artetik, 11k segitzen dute ingresatuta.
Bihar, azkeneko entzierroa. Victorino Martinen zezenak izango dira.
Sanferminak
Entzierro azkarra eta garbia zazpigarrena
Lau lagun ospitalera eraman dituzte, kolpeekin. Bi minutu eta 42 segundo iraun du. Atzoko zaurituek hobera egin dute.
Iruzkinak
Ez dago iruzkinik
Ordenatu
