Jaurlaritzako Justizia sailburuaren arabera, epaiketa bideokonferentziaz Euskal Herrian egiteko baliabide teknikoak badaude; areago, Jaurlaritzak bitarteko horiek badituela nabarmendu du, eta haiek beren esku uzteko eskaintza egin diola Espainiako Auzitegi Nazionalari. Epaitegi horrek eskaerari "harrera ona" egin diola erantsi du.
18/98+ lan taldeak atzo jakinarazi zuen auzipetu bakoitzari hileko 7.600 euroko gastua eragiten diola epaiketarako egonaldi eta joan-etorriak. Gastu horretan laguntzeko 20 euroko bono laguntzak atera ditu lan taldeak.
'18/98 auzia'
Epaiketa Bilbon bideokonferentziaz egiteko eskatu du Jaurlaritzak
Joseba Azkarraga Eusko Jaurlaritzako Justizia sailburuak agertu duenez, '18/98 auziko' epaiketa Bilbon egitea eskatu du Gasteizko Gobernuak, eta Espainiako Auzitegi Nazionala eskaera hori aztertzen ari da. Proposamenaren xedea auzipetuei astean hiru egunez Madrilera joateak sortzen dizkien arazo eta gastu ekonomikoak arintzea litzatekeela agertu du Azkarragak. Onartuko balitz bideokonferentziaz egingo litzateke epaiketa, EAEko Auzitegi Nagusiak Bilbon duen egoitzatik.
Iruzkinak
Ez dago iruzkinik
Ordenatu
