Ana Isabel Avarez epailearen aurrean deklaratuko dute apirilaren 16an Cabieces auziko hiru inputatuk: Mikel Cabieces Espainiako Gobernuaren EAEko ordezkari ohiak, Mario Fernandez Kutxabankeko zuzendari ohiak eta Rafael Alkorta abokatuak. Azken horren abokatu bulegoaren bitartez jaso zituen Cabiecesek hiru urtez Kutxabanketik 243.000 euro.
Ustezko irregulartasun horien harira, apirilaren 17an deklaratu beharko dute lekuko gisa Kutxabankeko giza baliabideen arduradun Fernando Lopez Egiluzek eta barne auditoria zerbitzuetako arduradun Roberto Mollek.
