Donostiako administrazio auzietako 3. aretoak bertan behera utzi du presoen alde kartelak jartzeko Trintxerpeko jaietako egitaruan (Pasaia, Gipuzkoa) jasotako egitasmoa. Gaur zen egitekoa, arratsaldeko zortzietan.
Auzitegiak partzialki aintzat hartu du Espainiako Gobernuak Euskal Autonomia Erkidegoan duen ordezkaritzak jarritako helegitea, eta kartelak jartzeko ekitaldia egitarautik "berehala" kentzeko agindu du.
Epainiako Gobernuko ordezkariak salatu zuen "neutraltasun politikoaren printzipioa" urratzen duela udal gobernuak ekitaldi hori jaien egitarauan jasota.
