Iraide Ongai eta Daniel Perez Irunberriko (Nafarroa) EH Bilduko zinegotziak inputatu zituzten, abuztuaren 30ean jaietan ikurrei eginiko omenaldian "terrorismoa goratu" zutelakoan. Patxi Alzueta eta Garazi Labiano ere inputatu zituzten. Guardia Zibilak Auzitegi Nazionalera igorri duen txostenak zioenez, presoen aldeko manifestu bat irakurri, horien alde topa egin eta pankarta bat zabaldu zuten.
Lauek Juan Pablo Gonzalez Auzitegi Nazionaleko epailearen aurrean deklaratu dute, eta ez du horien aurkako neurririk ezarri. Inputatuta jarriatzen dute, halere.
