Grande-Marlaska epaileak behin-behineko espetxe zigorra ezarri dio Arantza Zuluetari talde terroristako kide izateaz akusatuta. Epaileak Auzitegi Nazionalaren aurkako ekintzak prestatzeko informazioa eman izana leporatu dio Zuluetari.
Zulueta baldintzapeko askatasunean zegoen, lehengo urtean euskal preso politikoen abokatuen aurkako operazioan atxilotua izan eta gero. Operazio hartan Zuluetari aurkitutako dokumentazioaren artean joan den asteartean Baigorrin aurkitutako hiru zuloen krokisak daudela esan du epaileak, eta horiei lotutako akusazioak ere gehitu ahalko direla kasuak aurrera egin ahala.
Arratsaldean mobilizazioa egingo dute Bilbon, espetxeratzea salatzeko: 19:30ean, Zamudioko portaletik.
