Atzo Nafarroako Ospitale Gunean hil zen 16 urteko mutilaren heriotzak eragindako samina ez da berehalakoa ahaztuko Tafallan (Nafarroa). Astelehen gauean borroka batean min hartuta eraman zuten Iruñeko erietxera, eta medikuek ezin izan zuten deus egin ere osatzeko, oso larri baitzegoen ordurako.
Foruzainek hartu zuten jazoera ikertzeko ardura, eta berehala atxilotu zituzten bi adingabe heriotzarekin lotuta. Poliziek informazio gutxi eman dute, ordea, borrokaren nondik norakoei buruz. Lekukoen bidez zabaldu da, hala ere, neska bat defendatzen saiatu zela hildakoa, eta horregatik egin ziotela eraso. Adingabeen fiskalak atzo bertan hartu zuen gaiaren gaineko ardura, eta gaur berehala heldu da haren erabakia.
Tafallako Udalak ohar bat atera zuen atzo jazoera hau tamalgarria izan den arren, "bakana" izan dela nabarmentzeko. Elkarretaratze jendetsu bat egin zen atzo iluntzean herrian gertaera gaitzesteko.
