D3M eta Askatasuneko hamahiru auzipetuek babesgabetasuna salatu zuten, ez zekitelako haien etorkizunari buruz erabakiko zuten epaimahaia nortzuek osatuko zuten. Atzo jakin zuten, epaiketa hastera zihoan unean.
Manuela Fernandez de Prada da epaimahaiko burua, eta Ramon Saez Valcarcelek eta Nicolas Povedak osatzen dute hirukotea.
Zigor Salako 1. atalak epaituko ditu. Hango buru Javier Gomez Bermudez zen oraintsu arte. Hura Espainiako Auzitegi Nazionaleko Zigor Arloko presidentea ere bazen, baina orain kendu egin dute kargu horretatik. Fernando Grande-Marlaska da presidente berria. Gomez Bermu-dez kargutik kendu zutenean 1. ataletik ere kendu egin zuten, eta haren ordezkoa zein zen ez zen jakin atzo arte.
Manuela Fernandez de Prada eta Ramon Saez Valcarcel ez dira berriak atal horretan. Gomez Bermudezekin batera osatzen zuten apaimahaia lehen. Haiek epaitu zituzten Egunkaria eta Udalbiltza auziak.
Epaimahaiaren osaera ez dute jakin epaiketa hasi arte
Iruzkinak
Ez dago iruzkinik
Ordenatu
