Reauko espetxean (Frantzia) bildu ziren Nazioarteko Harremanetarako Taldeko kideak EPPK-ko Marixol Iparragirre eta Mikel Albisurekin. Nazioarteko taldetik Pierre Hazan eta Ray Kendall ziren joatekoak, azken hori Interpoleko buru izandakoa. Baina azken orduan espetxeko zuzendaritzak ez zion Kendalli sartzen utzi.
Bilera joan den apirilaren 16an egin bazuten ere, gaur arte ez dute jakianarazi. Aurrez aurrekoan, euskal preso politikoen egoeraren berri eman zioten Iparragirrek eta Albisuk Hazani, eta Frantzia eta Espainiako estatuek jartzen dizkieten mugez ere hitz egin zuten. Bide batez, EPPK-k "kolektiboaren jazarpena eta prozesuaren blokeoa" ere gaitzetsi zuten.
EPPK-k komunikatu baten bidez adierazi duenez, etorkizunerako urratsen berri ere eman zion Nazioarteko Harremanetarako taldeari. "Espetxeetako egoera konpontzeko bidea oztopatzeko asmoa dutela ohartzen gara, eta horregatik urratsak egiten jarraituko dugu blokeo egoera gainditzeko ahaleginean".
