PSE-EEko eledun Idoia Mendiak prentsaurreko batean azaldu du bere alderdiaren jarrera presoen kolektiboak iragarritako urratsekiko. Esan du adierazpena "aurrerapauso garrantzitsua" dela.
Espainiako Gobernuak "itxaron" egin behar duela uste du Mendiak, ikusi arte adierazpena "nola gauzatzen den eta presoek zein urrats jarraitzen dituzten".
PSNk "aldaketa" nabaritu du presoen kolektiboaren jarreran; "aurrerapen nabarmena" da EPPKren adierazpena, ohar batean adierazi duenez. Nolanahi ere, PSNk uste du aurrera egiten jarraitzeko, presoek ETAri eskatu behar diotela erakunde armatua desegiteko eta armak emateko.
