Equo, «ekonomia berdearen» alde krisiari aurre egiteko

GASTEIZ. «Ekonomia berdeak» milaka lanpostu sor ditzakeela eta krisitik ateratzeko giltzarri izan daitekeela adierazi du Equo alderdi politikoak. Udako ikastaroa hasi zuen atzo Equok, Gasteizen, New deal berdea goiburuarekin. Etorkizunean energia berriztagarriek, laborantza ekologikoak, mugikortasun iraunkorrak eta eraikinen berritze ekologikoak garrantzi handiagoa hartu behar dutela uste du Equok.