Datorren irailaren 25eko Eusko Legebiltzarrerako hauteskundeetan koalizioan aurkeztuko dira Ezker Anitza, Equo eta Ahal Dugu alderdiak. Ezker Anitzak gaur eman du jakitera alderdiko militanteek ontzat eman dutela koalizioan aurkeztea –Equoko militanteek joan den astean bozkatu zuten erabakia—.
Ahal Dugu-ko kideek gaur eguerdira arte izan dute bozkatzeko aukera; eta koalizioan aurkezteko aukera babestu dute. Ia 2.600 kidek eman dute haien iritzia, eta %80ak baiezko botoa eman du. Bihar erregistratuko dituzte koalizioaren zerrendak eta izena hauteskunde batzordean.
