Erabaki plataformak botoa Amaiurri emateko eskatu du

Erabakik, Ezker Batuarekin azkenaldian oso kritiko azaldu den EBko plataformak, Amaiurren aldeko botoa eskatu du. Jesus Uzkudun CCOOko kidea buru duen taldearen esanetan, Amaiur da «Euskal Herria nazio gisa eraikitzeko eta erabakitzeko eskubidearen aldarrikapena egin dezakeen hautagaitza bakarra eta krisialdi ekonomikoan eta langileen eskubide murrizketa andanaren aurka bestelako gizarte eredu alternatiboen erreibindikazioarekin bat egin dezakeen bakarra». «Ez dago abstenitzerik edo botoa inongo aukerarik gabeko kandidaturei ematerik», ohartarazi du hargatik. «Ezkerreko botoa, independentista zein federalista, Amaiurren hautagai zerrendaren inguruan bildu behar da».