Erabakitako AHT zatietatik azkena eskaini du Jaurlaritzak

ZIZURKIL. Eusko Jaurlaritzak lehiaketara atera du Hernialde-Zizurkil AHT zatia, Gipuzkoan. Horrenbestez, erabakita dauden Gipuzkoako zati guztiak emanda edo eskainita daude dagoeneko. Hernanitik Irunerako bidea falta da, eta erabat zehazteko dago oraindik. Hernialde-Zizurkil zatiak 5,8 kilometro ditu; tunela izango da ibilbidearen %87, eta gainerakoa, zubibidea. 169 milioiko aurrekontua du; kilometroko, 29 pasatxo.