Euskal Preso Politikoen Kolektiboak ekainean plazaratu zuen adierazpenaren ondoren, Euskal Herri osoko alderdi politiko, sindikatu eta eragile sozial ezberdinekin batzartu da "euskal presoen arazoari irtenbidea bilatzeko" asmoarekin. EPPKren deiari eragile guztiek erantzun diote, PPk izan ezik, gaur Bilbon eginiko agerraldi batean jakinarazi dutenez: "Muzin egin dio gurekin elkartzeari, gure deiari erantzun gabe".
PSE-EE, EAJ, Aralar, Alternatiba, EA, Batzarre, EH Bildu, Ezker Batua, Geroa Bai eta Ezkerrarekin egin dituzte bilkurak. Horietan, harremanetan jarraitzeko prestutasuna sumatu du kolektiboak, eta euren gogoetekin adostasuna ere ikusi dute: "Estatuen aldetik salbuespen neurriak oraindik indarrean mantentzeak mendeku politika soilari erantzuten diotela dute oinarrian".
Hori dela eta, euskal presoen Euskal Herriratzea eskatu du kolektiboak, eta urtarrilaren 12rako Herrira mugimenduak Bilbon deitu duen manifestazioarekin bat egin dute.
