Eraikin publikoetan Espainiako bandera ez jartzeagatik epaitegietara

Gipuzkoako Batzar Nagusiek, EAJren, EAren eta Aralarren botoekin, baztertu egin zuten atzo herrialdeko eraikin ofizialetan ikurrinarekin batera Espainako bandera jartzeko PPk egindako eskaera, eta Paulino Luesma Espainiako Gobernuak EAEn duen ordezkariak auzitegietara eramango du gaia, Batzar Nagusien erabakiaren kontra parte sartuko duelako.

Luesmak dio Espainiako banderen legea bete egin behar dutela denek, "erakunde publikoek bereziki". "Bizikidetzarako onena legea betetzea da, hori da demokratikoena, eta horrek bermatzen du gure aurrerapena gizarte libre bezala". Hau da, horretarako denerako, Espainiako bandera jarri behar dela, haren iritzian.