Bi arlotako eskaerak egin dizkio Kontseiluak alderdiei. Legegintzaldira begira batzuk, eta normalizazio politikoan egin beharrekoak, besteak.
Legegintzaldira begira, indarrean dagoen legedia aztertu eta egokitzea, hezkuntza eta unibertsitatea euskalduntzea, lan-munduaren euskalduntzea bizkortzeko egitasmoak bultzatzea eta Komunikabideak eta kultura-jarduna euskalduntzeko diskriminazio positiborako neurriak ezartzea, eskatu die.
Normalkuntza politikoari dagokionean, berriz, honakoak dira Kontseiluaren eskaerak: Euskara berezko, lehentasunezko eta ezagutu beharreko hizkuntza izatea, normalizazioa arautzen duen corpus juridikoa aldatzea, eta epe eta helburuak dituen hizkuntza-politika egokia ezartzea.
Kontseiluak alderdiekin elkarlana egiteko prestutasuna azaldu du, baina, horretarako, "aurrerapauso nabari eta eraginkorrak" egin beharko dituztela abisu eman dute.
EUskara
Erantzunkizunez jokatu eta normalizazioari beharrezko bultzada emateko eskatu die Kontseiluak alderdiei
Euskararen normalizazioari "indar berriz" ekiteko eskatu die Kontseiluak alderdiei. EAJ, PSE-EE, EHAK, EA, EB-Berdeak, Aralar eta Batasunarekin bildu da Kontseilua, EAEko legegintzaldi honetan hizkuntza politikak lehentasunezkoa izan behar duela iritzita. Alderdiak ados daude Kontseiluarekin hizkuntzaren egoera hobetzea premiazkoa dela esaterakoan. Horretarako bidean, legedia aztertu, eta egokitzeko eskatu die Kontseiluak alderdiei.
Iruzkinak
Ez dago iruzkinik
Ordenatu
