Goizaldean aurkeztu du salaketa neska adingabe batek, Barakaldon (Bizkaia). Kalean zebiltzan bi udaltzainengana jo du laguntza eske, erietxera eraman dute, Ertzaintzak bere gain hartu du ikerketa. Barakaldoko alkate Amaia del Campok egindako adierazpenen arabera, erasotzaileak ere adingabeak dira, baina ertzainek ez dute halakorik baieztatu oraindik.
Barakaldoko Udalak gertatutakoa salatzeko elkarretaratzea antolatuko du datorren astearte arratsaldean, eta harekin bat egiteko dei egin die herritarrei. Halakoen aurrean "arbuioa" besterik ezin dela erakutsi nabarmendu du alkateak. Argitan emakumeentzako aholku zentroak gaur egingo du protesta, 12:00etan.
