Udalak, erasoa gaitzetsi, eta antolatuko diren mobilizazio guztiekin bat egingo duela jakinarazi du: "Durangoko Udaletik gure erabateko gaitzespena eta arbuioa agertu nahi dugu emakumeen kontrako indarkeria kasu honen aurrean edota beste edozein motatako indarkeriaren aurrean. Bat egiten dugu hau salatzeko egingo diren deialdi guztiekin".
Durangon agerkari digitalak azaldu duenez, hilabetean Durangon salatzen den seigarren eraso sexista da hau. Beste bostak abuztuko azken hamar egunetan gertatu ziren.
