"Iraken duen lana beteko dute AEBek", azpimarratu du George Bush presidenteak irrati bidez zabaldutako mezuan. Erasoak areagotu direla onartu du Bushek, baina orain alde egiteak, "terroristei arnasa" emango liekela adierazi du, eta "AEBak arriskuan" izango liratekeela: "Horregatik, irauteko, borrokatzeko eta irabazteko prest gaude", aldarrikatu du.
Azkenaldian, Irakeko erresistentzia, batez beste,egun bakoitzeko 25 eraso egiten ditu AEBetako indarren aurka.
Atzo, gainera, Bagdaden kontsulatu bat babestera zihoazen soldadu estatubatuarrei mila bat irakiar oldartu zitzaizkien harria, eta liskar handiak izan ziren Bagdad kanpoaldean. Borroka horietan, hamalau zibil irakiar hil ziren AEBetako soldaduek tiro eginda.
Gaur goizean, berriz, hiru soldadu estatubatuar hil dira Mosulen izandako eztanda batean.
Era berean, hainbat albiste agentziak zabaldu dutenez, 'Erresistentziaren Eguna' antolatu dute gaurko zenbait talde irakiarrek. Agentzia horien arabera, Bagdadeko kaleetan borrokara deitzen duten pintadak ikus daitezke, eta, halaber, gaur erresistentziarekin bat egiteko dei eginez panfletoak banatu dituzte. Era berean, Irakeko hiriburuan tentsioa nabaria dela azpimarratu dute.
Iraken inbasioaren ondorena
Erasoak areagotu diren arren, AEBetako indarrak "beren lana amaitu arte" ez direla Iraketik erretiratuko agertu du Bushek
Irakeko erresistentziaren erasoak areagotzen ari direla onartu du gaur George Bush AEBetako presidenteak, baina, hala ere, "beren lana bukatu arte" Estatu Batuetako soldaduak ez direla handik erretiratuko nabarmendu du. Irakeko egoeraren larritzea izan du hizpide Bushek larunbateroko irrati bidezko hitzaldian. Iraken, berriz, 'Erresistentziaren Eguna' dago deituta gaurko.
Iruzkinak
Ez dago iruzkinik
Ordenatu
