Ereduen gaineko balorazioa, ona euskarazkoentzat

Euskarazko irakaskuntza publikoa «lehertzeko» egina bide zegoen eredu aldaketak ebaluaketa eskatzen zuen, ebaluaketa orokorra, eta azken asteetan egindakoaren emaitzak jakinarazi ditu asteazken honetan Campoy kontseilariak,Parlamentuan. Txostenen arabera, D ereduak emaitza hobeak ematen ditu gainontzeko ereduek baino, gehiago direlako Derrigorrezko Bigarren Hezkuntza (DBH) gainditzen duten ikasleak. Emaitza hobeak dira Batxilergoaren titulua hartzeko ere, eta D ereduko ikasleak hobeak dira, aztertutako sailetan, Lehen Hezkuntzan. Ikasturtea ere errazago gainditzen dute D eredukoek Nafarroan.