Josu Erkoreka (EAJ): "Ez zegoen beste konponbide legalik. Legezko aterabide bakarra Josu Uribetxebarriari baldintzapeko askatasuna ematea zen. Batekok eta bestekok antzezpenik ez balute egin, epaia lehenago izango zen".
Jon Garai (Herrira mugimendua): "Josuren askatasuna berandu iritsi da, beranduegi. Gaur, haren metastasia sendaezina da. Salbuespeneko espetxe politikak heriotzaren atariraino eraman du".
Julen Arzuaga (EH Bildu): "Legedia ezin da mendekurako erabili. Legeak lagundu behar egin du, bideak zabaldu behar ditu, inoiz ez itxi. Ez da onargarria Uribetxebarriaren kasuan Justiziak izaniko geldotasuna".
Etxerat: "Josu Uribetxebarria askatzeko erabakia berandu iritsi da. Hura oso ahul dago, eta horregatik ospitalean jarraitu beharko du. Espainiak mendekuz betetako espetxe politika azkeneraino eraman du".
Maribi Ugarteburu (Ezker abertzalea): "Berri pozgarria da epaia, eskubide urraketa lazgarri baten amaiera delako". "Espainiako Gobernuaren erabakiek, kinka larrian utzi dute Uribetxebarriaren bizitza".
Alfonso Alonso (PP): "Gustatu edo ez epaia errespetatzen dugu, Uribetxebarriak zigorra osorik betetzea nahiko genukeen arren".
Gaspar Llamazares (IU): "Mingarriena Gallardonen agindupean dagoen Fiskaltzaren eta Barne Ministerioaren arteko norgehiagoka maltzurra izan da".
Jon Iñarritu (Amaiur): "Epaiak giza eskubideak betetzea beharrezko den egoera bati erantzuten dio".
Uxue Barkos (Geroa Bai): "Zuzenbide Estatuak bermatu behar du delitu okerrenengatik kartzelan dauden pertsonek ere duintasunez hiltzeko eskubidea izan dezaten". "Osasun demokratikoa da hori".
Jose Navas (EB): "Uribetxebarriaren kasuak sortutako ikuskizun negargarria bukatzea espero dut". "Erabakia gainontzeko preso gaixoen kasuan aplikatu beharko litzake".
Yolanda Barcina (UPN): "Erabakia errespetatzen dut, baina kasu hau oso gogorra da". "Ondo ulertzen dut terrorismoaren biktimen sufrimendua, egindako krimenengatik damurik erakutsi ez duen pertsona bat kalean izanen delako".
Patxi Lopez (PSE-EE): "Egin beharrekoa legea eta Zuzenbide Estatua aplikatzea zen, eta hori egin da, kitto". "Etengabean kasuaz hitz egiten jarraitzea merezi ez dutenei kanpaina egitea da".
Rosa Diez (UPD): "Demokraziarentzat egun txarra da gaurkoa". "Ez da justiziarik egin".
