Josu Erkoreka EAJk Espainiako Kongresuan daukan bozeramaileak dio "zantzuak" daudela PSOErekin Espainiako hauteskundeak eta gero "akordioa lortzeko itxaropena izateko". Akordio horrek "euskal normalizazio politikoari eragingo lioke, bere osotasunean", Erkorekak gaur ETBri emandako elkarrizketan esan duenez.
"Diskrezioa" izan behar dela adierazi du. "Gainera, zantzuak izateak ez du esan nahi gero akordioak gauzatu egingo direnik".
Iñigo Urkullu EAJko EBBko presidentea Espainiako hauteskundeen ondoren prest dago PPrekin eta PSOErekin hitz egiteko "konpromiso instituzionalak" lortzeko, baina "euskal gaztaka politikoaren konponbidearekin" konpromisoa duena babestuko duela esan du, "betiere akordioetara iritsiz gero". Arabako, Bizkaiko eta Gipuzkoako autogobernua "hobetzeari" ere "lehentasuna" ematen dio EAJk.
Azken batean, "Euskadigatik apustua" egiten duenaren alde egingo dute jeltzaleek Madrilen martxoaren 9ko hauteskundeez geroztik.
Politika
Erkorekak dio PSOErekin "akordioa lortzeko itxaropena izateko zantzuak" badaudela
Akordio horrek "euskal normalizazio politikoari eragingo lioke, bere osotasunean", EAJko kideak dioenez.
Iruzkinak
Ez dago iruzkinik
Ordenatu
