Zubietako errauste planta eraikitzeko kontratuak "berehala" hausteko eta "zero zaborraren bidetik" joateko eskatu diote Gipuzkoako Foru Aldundiari hainbat talde ekologistak; tartean, Greenpeacek, Eguzkik eta Gipuzkoako errausketa planten aurkako plataformak.
Agerraldi bat egin dute gaur goizean Donostian, aldundiarekin egin duten bileraren aurretik. Ekologistak Martxan-eko eledun Kepa Olaizek adierazi duenez, errauste planta oraindik "ez dago erabat baztertuta".
Hondakinak gaika biltzeko eredu "indartsu" bat ezartzea galdegin diote talde ekologistek diputazioari, herrialdeko baliabideek kudeaketa "arrazionala eta osasuntsua" izan dezaten. Halaber, beharrezkotzat jo dute "gizarte presio indartsua".
