Errazkinen heriotza salatzeko manifestazioan izandako "istiluen" berri eman dio Luesmak EAEko Fiskaltzari

Espainiako Gobernuak EAEn duen ordezkari Paulino Luesmak EAEko Auzitegi Nagusiko Fiskaltzari joan zen larunbatean Donostian izandako manifestazioan gertatutako "istiluen" berri eman dio. Manifestazioa Frantziako Fleury Merogis espetxean hilda agertutako Oihane Errazkinen heriotza salatzeko egin zen. Luesmaren iritzian manifestazioan gertaturikoan "terrorismo delitua" egon daiteke, eta Fiskaltzak "beharrezkoak ikusten dituen" neurriak hartzeko, bere esku utzi du informazioa.