Hiru alderdiek kritikatu egin dute PPren jarrera, eta "antidemokratikotzat" jo dute. "Erabakitzeko eskubideari buruzko eztabaida ukatzea" leporatu diote PPri.
Xabier Mikel Errekondo Amaiurreko diputatuaren arabera, agerian geratu da Espainiaren “izaera antidemokratikoa” eta bertan dagoen "demokraziaren kulturarik eza". "Gure herrietako gizarteetan dabilen eztabaida ukatu nahi dute", esan du Errekondok.
Hala ere, BNG, ERC eta Amaiurreko ordezkariek adierazi dute erabakitzeko eskubideari buruzko eztabaida, "modu batera edo bestera, egin egingo" dela. Ekimenaren hiru bultzatzaileek adierazi dute oraingoz Kongresuko mahaiak ez diela ebazpena modu ofizialean igorri, baina jaso bezain laster helegitea aurkeztuko dutela iragarri dute.
