Gipuzkoako gotzain Jose Ignacio Munillari ohar baten bidez erantzun dio Laikotasuna elkarteak. Azaldu duenez, "arazoa" da gipuzkoarrek, "nahi ala ez euren zergekin erlijio bat finantzatu" egiten dutela. Gogorarazi duenez, errenta aitorpenean bi aukera zeuden %0,7 emateko: eliza eta helburu sozialeko erakundeak.
Elkarteak txalotu egin du hirugarren lauki bat jarri izana; hain zuzen, %0,7 sektore publikoari ematearen aldekoa. Halaber, ohartarazi du Elizak 247 milioi euro jaso zituela Espainiako Estatuan %0,7 horren bidez, eta herritarrentzako "berdintasunezko tratua" eskatu du.
