Gipuzkoako Foru Aldundiak aldatu egin ditu herrialdeko errepideetako hainbat seinale, eta 'Frantzia' zioten ugari 'Baiona' dioten beste batzuekin ordezkatu ditu. Bereziki Irunen egin ditu aldaketak, Hendaiara igarotzeko zubietan; horietan 'Gipuzkoa' eta 'Lapurdi' dioten seinaleak ezarri ditu. Guztira 28 moldatuko ditu.
Aldundiaren esanetan, "Europako irizpideetara egokitu" eta "Gipuzkoako herritarren sentipena hobeto islatu" nahi du erabaki horrekin. Izan ere, diputazioak azaldu duenez, Europako Batasuneko irizpideek diote hirien arabera seinaleztatu behar dela, eta ez estatuen arabera. Gaineratu du neurri horrekin "Gipuzkoako lurraldeko muga guztiak seinaleztatuta" egongo direla, orain arte soilik Araba, Bizkaia eta Nafarroako mugetan baitzituzten seinaleak. Aldundiak uste du erabakiarekin "irizpideak bateratu" egin dituela.
