Erresuma Batuko (EB) Poliziak eguerdian jakinarazi duenez, EBk Ana Lopez, Zigor Ruiz eta Iñigo Albisu euskal herritarrak Espainiaratu egin ditu, Londresko Auzitegiak abenduaren 14an hartutako erabakia beteta. Lopez, Ruiz eta Albisu iazko apirilaren 27an atxilotu zituzten Sheffield hirian (EB), ustez etakideak direlakoan.
Hiruren kontrako epaiketa abenduaren 4an hasi zuten, Londresko Auzitegi Nagusian. Baltasar Garzon Espainiako Auzitegi Nazionalaren epaileak euroagindua eman zuen eta uztailean Westminsterreko (EB) Magistratuen Auzitegiak haiek Espainiara igortzea erabaki zuen. Orduan, baina, defentsa abokatuek helegitea aurkeztu zuten, eta helegiteaz erabakia hartzeko epaiketa hasi zuten abenduaren hasieran.
Epaiketan Richard Gordon defentsa abokatuak esan zuen tortura testigantza batean oinarritzen zela hiru akusatuen aurkako salaketa, baina auzitegiak ez zuen hori kontuan hartu abenduaren 14an erabakia hartzean.
Politika
Erresuma Batuak Ana Lopez, Zigor Ruiz eta Iñigo Albisu Espainiaratu egin ditu
Apirilean atxilotu zituzten Sheffielden, ETAko kideak direlakoan, eta Londresko Auzitegiak abenduaren erdian hartu zuen haiek Espainiaratzeko erabakia.
Iruzkinak
Ez dago iruzkinik
Ordenatu
