Espainiako Barne Ministerioak eman du atxiloketen berri. Atzo, Espainiako Poliziak zazpi albaniar atxilotu zituen Bilboko Portuan, Portsmoutherako ferryra igotzera zihoazela. Azken asteetan zaintza indartu du Barne Ministerioak portuaren inguruetan.
Era berean, jakinarazi du urtea hasi zenetik 35 migratzaile atxilotu dituztela Loiuko aireportuan (Bizkaia), dokumentazio faltsuarekin Erresuma Batura joateko hegaldia hartzen saiatu direnean. Nahiz eta oraingoz Europako Batasuneko kide izan, Erresuma Batua Schengen esparrutik kanpo dago, eta herrialdera sartzeko bisa behar da. Horregatik, Barne Ministerioak kontrol neurriak zorroztu ditu Loiun.
